بسم الله الرحمن الرحيم
اكيد كلنا صحه وشكل شعرنا مهم جدا بالنسبه لينا بغض النظر عن كونا محجبات او غير محجبات , وده طبعا منطق سليم ميه فى الميه لان المظهر داخل البيت اهم بمراحل عن المظهر خارج البيت وخصوصا لو كنتى متزوجه , بس فى الاخر انتى لازم تهتمى بنفسك وبشعرك على وجه التحديد علشان نفسك قبل اى حد ولا كمان المظهر الجيد ليكى بيحارب اصابتك بالاكتئاب وبيكون عامل مهم جدا لرفع معنوياتك والثقه بنفسك.
واكيد كمان ان ن اكتر اساليب التغير والتجديد فى الشكل والمظهر هو التجديد فى طريقه تسريح شعرك او قصته او حتى الصبغه ,ولأن فى ستات كتير شعرهم بيكون ضعيف وبالتالى بيتجنبه عمليه الصبغ لعدم كبر حجم الاضرار بالشعر فان الطريقه المثلى هى قص الشعر وعمل تسريحات جديده لاضفاء نوع من التغير على الشكل .
وفى الواقع ان تكلفه الكوافير لعمل تسريحات الشعر بتكون فى الغالب مكلفه وبتحسى فى كتير من الاحيان بنوع من اهدار المال لو كنتى طبعا بتعملى التسريحه فى الكوافير وتقعدى بيها فى البيت شويه وبالتأكيد لازم انك هترجعى تفكى شعرك ومش هتقدرى تعيدى عمل النسريحه مره تانيه بنفسك .
وللاسباب دى كلها حبيت اقترح عليكى طرق لعمل تسريحات بسيطه بالمنزل وبنفسك بحيث انك تقدرى تكرريها باستمرار وبدون الحاجه الى الذهاب الى الكوافير
التسريحه الاولى معانا النهارده هى تسريحه للبنات او الستات اللى شعرها طويل وبتحب دايما انه يكون مفرود وطليق وهى طريقه سهله وسريعه ومش هتاخد اكتر من خمس دقائق وتصلح كمان للاوقات الصباحيه
اما التسريحه التانيه فهى تسريحه بناتى وعمليه وممكن تعمليها وانت رايحه الجامعه او نزله تشترى مستلزمات بيتك كنوع من الرسميه والجديه وممكن تحتفظى بيها لفترة طويله فى البيت لانها بتتميز بالاناقه والهدوء ودى برضه للشعر الطويل
التسريحه التالته هى عبارة عن تسريحه جريئه وكمان عمليه تصلح للاوقات الصباحيه ودى للشعر المتوسط الطول والطويل
التسريحه الجايه هى بتتسم بالعمليه والجديه والاناقه والبساطه فى نفس الوقت وكمان بتتسم انها بتجمع بين الاوقات النهاريه وكمان تصلح للحفلات والمناسبات الخاصه لما بها من انوثه ممتزجه بالبساطه والانطلاق وتصلح للاعمار السنيه المختلفه
التسريحه التالته تعتبر من نوع التسريحات الكلاسيكيه اللى بتمزج بين العراقه والعصريه وممكن كمان بدل ما يكون شعرك منسدل ذى ديل الحصان ممكن تعمليه دوامه بشكل منمق وتحطى فيه توكه صغيره على شكل وردة او فراشه وبكده تكونى حولتيها من تسريحه صباحيه لتسريحه تصلح للسهرات
التسريحه دى تسريحه بناتى وعمليه وبسيطه جدا تصلح للشعر الطويل او القصير وكمان تصلح للجامعه والمشاوير الصباحيه او الذهاب للعمل
فى الاخر احب اقول شئ مهم وهو اكيد ان كلكم لاحظتم انى مركزه على النظر الخلفى للشعر وده لان المنظر الامامى ممكن انتى تبدلى فيه وتغيريه بما يتلائم مع شكل الوجه , يعنة ممكن عملى نظام ( الاوصه ) اللى كلنا عارفينه طبعا على جنب او تلمى شعرك لورا وتنزلى فراشه وممكن تلميه برضه وتنزلى خصلتين من على يمين وشمال القورة وياريت متركزيش على واحد بحجه ان شكله فى التسريحه الفلانيه اجمل من التسريحه العلانيه لان كل تسريحه ليها جمالها وفى كل مرة بتكتسبى شكل وجمال جديد وكمان بتبرزى جانب اخر من جمالك وانوثتك.
اتمنى ان الموضوع يكون عجبكم واستفادتم ولو من معلومه بسيطه وصغيرة ومتنسوش ان الهدف فى الاخر هو الحصول على مظهر افضل وبالتالى اكتساب قدر اكبر من ثقتك بنفسك وجمالك
المشاركات
0 التعليقات :
إرسال تعليق